"Marco Polo Group Hospitality" აერთიანებს რამდენიმე სასტუმროსა და კვების ობიექტს. კომპანიის მფლობელობასა და მართვაშია გუდაურში არსებული შემდეგი ობიექტები:

** Marco Polo Hotel Gudauri
** Alpina Hotel Gudauri
** Khada Hostel Gudauri
** Khada Hütte Gudauri
** Puris Moedani Boutique Hotel

"Marco Polo Group Hospitality" აცხადებს ხარჯების კონტროლიორის ვაკანსიას გუდაურის მასშტაბით შემდეგ ობიექტებზე:

** Marco Polo Hotel Gudauri
** Alpina Hotel Gudauri
** Khada Hostel Gudauri
** Khada Hütte Gudauri

აღნიშნული პოზიცია კომპანიის ფინანსური სტრუქტურის ერთ-ერთი უმნიშვნელოვანესი რგოლია, რომელიც პასუხისმგებელია ხარჯების ოპტიმიზაციასა და ფინანსური რესურსების მაქსიმალურად ეფექტურ განკარგვაზე. ამ როლს აქვს მკაფიო ვალდებულება, გააკონტროლოს ობიექტების თითოეული დეპარტამენტის მიერ განხორციელებული ხარჯები და უზრუნველყოს, რომ ყველა ფინანსური აქტივობა შესაბამისობაში იყოს კომპანიის გრძელვადიან მიზნებთან.

ხარჯების კონტროლიორი თანამშრომლობს ყველა დეპარტამენტის მენეჯერთან/ხელმძღვანელთან, განსაკუთრებით მჭიდრო თანამშრომლობა აკავშირებს კვებისა და სასმელების დეპარტამენტებთან, რათა უზრუნველყოფილი იყოს დანაკარგების მინიმალიზაცია, ინვენტარის ზუსტი კონტროლი და ყოველთვიური ბიუჯეტის გადახედვა. ამის შედეგად, ეს პოზიცია არა მხოლოდ ხარჯებს მართვას, არამედ კომპანიის ფინანსური სტაბილურობისა და ზრდის ხელშეწყობას ემსახურება.

დაქვემდებარება: კომპანიის ფინანსურ დირექტორთან, ფინანსურ კონტროლიორთან
სამუშაო ადგილი: 3 სამუშაო დღე-გუდაური, ყაზბეგის მუნიციპალიტეტი (კომპანიის მხრიდან უზრუნველყოფილია განთავსება, კვება და ჯანმრთელობის დაზღვევა)
2 სამუშაო დღე - თბილისი
სამუშაო განაკვეთი და გრაფიკი: სრული, კვირაში 5 სამუშაო და 2 დასვენების დღე, 10:00 - 19:00 სთ

ძირითადი ფუნქცია-მოვალეობები:

** ობიექტებში შემავალი დეპარტამენტების საოპერაციო ხარჯების მუდმივი მონიტორინგი, შესაბამისი მონაცემების გაზიარება დეპარტამენტის ხელმძღვანელებთან და კომპანიის მმართველ გუნდთან;
** სათანადო რეაგირება შეცდომების, დარღვევებისა და გადაცდენების აღმოჩენის შემთხვევაში. კონტროლის მექანიზმების დანერგვის/გაუმჯობესების ინიცირება;
** მჭიდრო და ეფექტური კომუნიკაცია თითოეული დეპარტამენტის წარმომადგენელთან;
** დანაკარგების კონტროლი, განსაკუთრებით კვებისა და სასმელების დეპარტამენტში, დეპარტამენტის წარმომადგენლებთან თანამშრომლობით, პორციების ოპტიმიზაციის უზრუნველყოფა;
** ხარჯების ოპტიმიზაცია და ინვენტარის კონტროლი, მარაგების მოძრაობის (მიღება, გაცემა, ტრანსფერი) მუდმივი მონიტორინგი. მონაცემების სწორად აღრიცხვის მონიტორინგი, ხარჯების ზუსტი დათვლის უზრუნველსაყოფად;
** შესყიდვების პროცესის მონიტორინგი, საქონლის ღირებულების კვლევა და ხარჯების დაზოგვის შესაძლებლობების მოძიება;
** ობიექტების/დეპარტამენტების მიხედვით წლიური ბიუჯეტის შედგენაში მონაწილეობა, უზრუნველყოფა იმისა, რომ გაწერილი ხარჯები კომპანიის სამომავლო ფინანსურ მიზნებთან არის თანხვედრაში;
** ინვოისების და საგადასახადო დოკუმენტაციის მონიტორინგი, უზრუნველყოფა იმისა, რომ აღნიშნული ხარჯები წინასწარ შეთანხმებულ ფასებსა და მოლაპარაკებას (კონტრაქტებს) შეესაბამება;
** აქტიური თანამშრომლობა ობიექტების მომმარაგებელ-მომწოდებლებთან, რათა მაქსიმალურად იყოს დაცული ხარჯების ოპტიმიზაცია ხარისხიანი პროდუქტის/სერვისის მიღების შემთხვევაშიც;
** ფიქსირებული, სისტემატური ხარჯების განსაზღვრა და მათი სისტემატური შედარება ბაზრის ტენდენციებთან, ცვლილებების დანერგვა და შესაბამისი ზომების მიღება, საჭიროებისამებრ;
** ფინანსური და სხვა დეპარტამენტის წარმომადგენლების დატრენინგება/გადამზადება ხარჯების კონტროლის მექანიზმებისა და პრაქტიკების შესწავლის მიზნით, საჭიროებისამებრ;
** ხარჯთაღრიცხვის დეტალური ანგარიშების წარდგენა უშუალო ხელმძღვანელთან და გასაუმჯობესებელ საკითხთა ინიცირება.

მოთხოვნები და უნარები:

** უმაღლესი განათლება ეკონომიკის, ფინანსების და ბიზნეს ადმინისტრირების მიმართულებით
სასურველია ინგლისური ენის ცოდნა ვერბალური/არავერბალური, სრულყოფილი პროფესიული კომუნიკაციისა და რეპორტინგის დონეზე
** კომპიუტერული და საოფისე პროგრამების ცოდნა
** პასუხისმგებლიანობა, გუნდური მუშაობის უნარი, ეფექტური კომუნიკაციის უნარები
** ორგანიზებულობა, დისციპლინურობა, პუნქტუალურობა
** სტუმარ-მასპინძლობის ინდუსტრიაში, მსგავს პოზიციაზე მუშაობის, ბუღალტრულ სისტემასა და Opera/Micros/Materials Control სისტემებში მუშაობის 2-წლიანი გამოცდილება
** სახარჯთაღრიცხვო დოკუმენტაციის შემუშავების გამოცდილება

დაინტერესებულ პირებს გთხოვთ თქვენი რეზიუმე გამოგვიგზავნოთ შემდეგ მისამართზე: [email protected] და სათაურის ველში მიუთითოთ პოზიციის დასახელება.

აღნიშნულ ვაკანსიაზე მონაცემების გაგზავნით ადასტურებთ, რომ თანახმა ხართ, Marco Polo Group Hospitality-მ მონაცემთა დაცვის საერთაშორისო სტანდარტებისა და საქართველოს მოქმედი კანონმდებლობის შესაბამისად. შეაგროვოს, დაამუშაოს და შეინახოს წარდგენილი ინფორმაცია (რეზიუმე) თქვენი დასაქმებისთვის საჭირო პროცედურების წარმართვის მიზნით. პერსონალური მონაცემები გამოყენებული იქნება მხოლოდ აღნიშნული მიზნისთვის და თქვენი თანხმობის გარეშე არ გადაეცემა მესამე პირს.