საგრანტო კონკურსი "მდგრადი მესაქონლეობის, პროდუქტიულობის ზრდისა და ბაზრის კონკურენტუნარიანობის ხელშეწყობა საქართველოში".

ჩეხეთის რესპუბლიკის კარიტასი საქართველოში (CCRG), ჩეხეთის განვითარების სააგენტოს მიერ მხარდაჭერილი პროექტის "მდგრადი მესაქონლეობის, პროდუქტიულობის ზრდისა და ბაზრის კონკურენტუნარიანობის ხელშეწყობა საქართველოში" ფარგლებში, აცხადებს მცირე გრანტების კონკურსს, რომლის მიზანია მესაქონლეობისა და ვეტერინარული მომსახურების განვითარების ხელშეწყობა, პროდუქციის ზრდისა და დამატებითი შემოსავლის მომტანი საქმიანობების დაფინანსების და ვეტერინარული სერვისების ხელმისაწვდომობის გაზრდის გზით. საგრანტო კონკურსი განკუთვნილია გაფართოების პოტენციალისა და/ან სურვილის მქონე მსხვილფეხა მესაქონლე ფერმებისთვის, ასევე ვეტერინარული მომსახურებით დაკავებული პირებისათვის.
პროექტის განხორციელების მიზნობრივი რეგიონებია: ხულოს, დუშეთის (ფშავ-ხევსურეთის ისტორიული ტერიტორია: მაღაროსკარის, უკანაფშავის და ბარისახოს ადმინისტრაციული თემები) ახმეტის (თუშეთის და ზემო/ქვემო ალვანი) მუნიციპალიტეტები.

აპლიკანტმა პროექტის დოკუმენტები უნდა წარმოადგინოს დაბეჭდილი სახით, ქართულ ენაზე, კონკურსის შესაბამისი ფორმების მიხედვით, ელექტრონული ფოსტის შემდეგ მისამართზე: [email protected] და გთხოვთ, ველში "თემა" ("Subject") მიუთითოთ: საგრანტო კონკურსი და აპლიკანტის სახელი გვარი, მაგალითად: "საგრანტო კონკურსი - ზვიად ზვიადაური".

კონკურსში მონაწილეობის მისაღებად დოკუმენტაციის წარდგენის ბოლო ვადაა: 2024 წლის 21 მაისი, 18:00.

საკონტაქტო ინფორმაცია:
საგრანტო კომპონენტთან დაკავშირებული კითხვების შემთხვევაში, მიმართეთ: ასლან ართმელაძეს, პროექტის უფროსი კოორდინატორი (ორშაბათი-პარასკევი 09:00 - 18:00);
ტელ: 0322 220 214
ელექტრონული ფოსტა: [email protected]

იხილეთ ამ განცხადების სრული ტექსტი თანდართულ ფაილში.