ვებგვერდი www.Regmarket.ge შპს საინფორმაციო ცენტრების ქსელის პროდუქტია;

შპს საინფორმაციო ცენტრების ქსელი რეგისტრირებულია 2005 წლის 7 მარტს. რეგისტრაციის ნომერი: 27/5ბ-8; საიდენტიფიკაციო ნომერი: 227746259;

შპს საინფორმაციო ცენტრების ქსელი მართავს რამდენიმე მედიაპროდუქტს: www.Reginfo.ge; www.Mtisambebi.ge; www.Radioway.ge ასევე, საინფორმაციო ცენტრს 16 100 (www.16100.ge)

საინფორმაციო ცენტრი 16 100, ისევე როგორც ვებგვერდი www.Regmarket.ge შეიქმნა საერთაშორისო კვლევებისა და გაცვლების საბჭოს (IREX–GEORGIA) და ამერიკის შეერთებული შტატების საერთაშორისო განვითარების სააგენტოს (USAID) მხარდაჭერით.

საინფორმაციო ცენტრების ქსელმა, 2014 წელს, ნომინაციაში ყველაზე ინფორმაციული სააგენტო „ევროკავშირის პრიზი“ მიიღო.

Regmarket.ge-ზე რეგისტრაციის გასავლელად დააჭირეთ საიტის ზედა მარჯვენა კუთხეში არსებულ ღილაკს „რეგისტრაცია“.

აირჩიეთ მოცემული ორი ვარიანტიდან თქვენთვის სასურველი ფორმა (ფიზიკური პირი ან კომპანია).

გახსნილ გვერდზე სწორად შეავსეთ ყველა ველი და დააჭირეთ ღილაკს რეგისტრაცია.

თქვენი პერსონალური ინფორმაცია ვებგვერდის ვიზიტორებისთვის დახურულია.

რეგისტრაციის გავლის შემდეგ თქვენ შეგიძლიათ შეხვიდეთ თქვენს გვერდზე და დაამატოთ განცხადებები.

დარეგისტრირდით ვებგვერდზე და დააჭირეთ ღილაკს „ჩემი გვერდი“.

ვებგვერდის მარცხენა მხარეს დააჭირეთ ღილაკს „განცხადების დმატება“.

მარცხენა მხარეს მენიუდან აირჩიეთ რუბრიკა (უძრავი ქონება, პროდუქცია, ვაკანსიები, საგრანტო კონკურსები, ტრენინგები, ტენდერები, მომსახურება და ა.შ), რომელშიც გსურთ განცხადების დამატება.

დააჭირეთ მწვანე ღილაკს „განცხადების დამატება“.

პირველ რიგში მონიშნეთ როდემდე გსურთ განცხადების განთავსება, აირჩიეთ დანიშნულება, შემდეგ თემატურად კატეგორია, ქვეკატეგორია, ქალაქი ან რეგიონი, რაიონი, სოფელი. მიუთითეთ თქვენი სახელი, ტელეფონის ნომერი, ფასი. აუცილებლად შეავსეთ დასახელება და კომენტარი ქართულად.

თუ გსურთ, რომ თქვენი განცხადება ხელმისაწვდომი იყოს Regmarket.ge–ს ინგლისურ ან/და რუსულენოვან გვერდებზეც, შეავსეთ შესაბამისი ველები. თუ ქართულის გარდა მხოლოდ ინგლისურენოვან გვერდზე გსურთ განცხადების განთავსება, შეავსეთ შესაბამისი ველი.

კომენტარის განყოფილებაში მიუთითეთ დამატებითი ინფორმაცია, რაც თქვენი განცხადების ეფექტურობას გაზრდის.

შეგიძლიათ ატვირთოთ მხოლოდ JPG, JPEG, PNG ან GIF ფორმატის მაქსიმუმ 8 სურათი. სურათების ატვირთვის შემდეგ შეგიძლიათ მონიშნოთ მთავარი სურათი ან წაშალოთ რომელიმე.

განცხადების განთავსებისათვის დააჭირეთ ღილაკს „დამატება“.

განცხადება მოდერაციას ექვემდებარება ნებისმიერ დროს (შემოწმდება საიტის ადმინისტრატორის მიერ).

Regmarket.ge-ს მთავარ გვერდზე, პირველ სექტორში მუდმივად ჩანს უძრავი ქონების, პროდუქციის, ვაკანსიების და სხვა კატეგორიის VIP განცხადებები, რის შემდეგაც მოდის განცხადებები სხვადასხვა რუბრიკებიდან;

ყველა განცხადების დეტალურ გვერდზე მუდმივად ჩანს შესაბამისი თემატიკის VIP განცხადებები.

განცხადების VIP კატეგორიაში განთავსებისათვის, ბალანსზე უნდა გქონდეთ შესაბამისი თანხა.

VIP კატეგორიაში 1 დღით განცხადების განთავსების ღირებულებაა 1 ლარი.

VIP კატეგორიაში განცხადების დასამატებლად დააჭირეთ ღილაკს „ჩემი გვერდი“, მოძებნეთ თქვენთვის სასურველი განცხადება და დააჭირეთ ღილაკს „VIP - ში გადაყვანა“. მონიშნეთ ციფრი, რამდენი დღითაც გსურთ განცხადების VIP კატეგორიაში განთავსება. ამის შემდეგ დააჭირეთ ღილაკს „დამატება“. თქვენს მიერ არჩეული ვადის შესაბამისად, თანხა თქვენი ბალანსიდან ავტომატურად ჩამოიჭრება.

მას შემდეგ რაც მომხმარებელი (ფიზიკური პირი ან კომპანია) დაამატებს განცხადებას Regmarket.ge-ზე, განცხადება ხვდება მონაცემეთა ბაზაში, ქვეყნდება რამდენიმე წამში და გადის მოდერაციას. მოდერაციას ახორციელებს Regmarket.ge–ს ადმინისტრატორი.

განცხადება, რომელიც ვებგვერდზე განთავსებულია წესების დარღვევით, წაიშლება ადმინისტრატორის მიერ ისე, რომ მმართველი კომპანია არ იღებს განცხადების განმათავსებელი პირის წინასწარ შეტყობინების ვალდებულებას; დარღვევის განმეორების შემთხვევაში განცხადების განმათავსებელი პირის მიმართ გამოყენებული იქნება შესაბამისი ზომები, რაც მოიცავს მომხმარებლის ტელეფონის ან/და IP მისამართის დროებით ან მუდმივ დაბლოკვას;

იმ შემთხვევაში, თუ განცხადების დამატებისას მითითებულ ვადაში თქვენ ვერ მოახერხეთ ქონების ყიდვა, გაყიდვა, გაცვლა, გაქირავება, ვაკანსიის შევსება და ა.შ. და გინდათ, რომ თქვენი განცხადება გააქტიურდეს, შეგიძლიათ განაახლოთ.

ვებგვერდზე განახლება არის ფასიანი და მისი ღირებულებაა 0.50 ლარი.

განცხადების ფასიანი განახლება შეგიძლიათ ნებისმიერ დროს.

ფასიანი განახლების დროს განცხადების დადების თარიღი იცვლება განახლების დღის თარიღით და იგი გადადის პირველ გვერდზე.

განცხადების ფასიანი განახლებისთვის დააჭირეთ ღილაკს „ჩემი გვერდი“, მოძებნეთ თქვენთვის სასურველი განცხადება და დააჭირეთ ღილაკს „განახლება“;

www.Regmarket.ge-ზე სასურველი პროდუქტისა თუ მომსახურების მოძებნა შესაძლებელია ნებისმიერი საძიებო სიტყვის გამოყენებით.

დეტალური ძებნის მიზნით, მიუთითეთ საძიებო პროდუქციის ან მომსახურების კატეგორია და თქვენთვის სასურველი მდებარეობა.

ტერმინთა განმარტება:

„ვებგვერდი“ – www.Regmarket.ge

„მმართველი კომპანია“ – შპს საინფორმაციო ცენტრების ქსელი.

„მომხმარებელი“ - ფიზიკური ან იურიდიული პირი, რომელიც სარგებლობს ვებგვერდის მომსახურებით, ანთავსებს განცხადებას ან/და ეძებს სასურველ პროდუქციას/მომსახურებას.

„განცხადება“ - ვებგვერდზე განთავსებული ინფორმაცია გასაყიდი პროდუქციის/მომსახურების შესახებ.

1. შეთანხმების ძირითადი პირობები

1.1 მმართველი კომპანია არ არის არცერთი გარიგების ორგანიზატორი, თანამონაწილე, გამყიდველი ან მყიდველი. ვებგვერდი არის შუამავალი, რომელიც ეხმარება გამყიდველსა და მყიდველს დაუკავშირდნენ ერთმანეთს.

1.2 მმართველი კომპანია უზრუნველყოფს განცხადებების განთავსებას შესაბამის განყოფილებაში, რაც მომხმარებელს ეხმარება პროდუქციის/მომსახურების ადვილად მოძებნაში.

1.3 მმართველ კომპანიას არ ეკუთვნის ვებგვერდზე განთავსებული არცერთი პროდუქცია/მომსახურება და არ ფლობს არანაირ დამატებით ინფორმაციას მათი რეალური მდგომარეობის შესახებ.

1.4 განცხადებაში მითითებული პროდუქციის/მომსახურების ხარისხი, უსაფრთხოება, კანონიერება და აღწერასთან შესაბამისობა არ კონტროლდება მმართველი კომპანიის მიერ.

1.5 ვებგვერდზე ინფორმაციის განთავსებისას მომხმარებელი ეთანხმება, რომ ინფორმაცია იქნება ღია და ნებისმიერ მომხმარებელს შეეძლება მისი ნახვა.

1.6 ვებგვერდზე განთავსებულ ინფორმაციას არ აქვს იურიდიული ძალა. მომხმარებელი ვალდებულია ნებისმიერი ფინანსური გარიგების წინ გადაამოწმოს ინფორმაციის სიზუსტე.

2. განცხადების განთავსება და მომხმარებლის უფლება – მოვალეობები

2.1 მომხმარებელს არ აქვს უფლება ვებგვერდზე განათავსოს განცხადება, რომლის შინაარსიც ეწინააღმდეგება საქართველოს მოქმედ კანონმდებლობას.

2.2 დაუშვებელია განცხადება – იყოს მცდარი, არაზუსტი და/ან განზრახ შეჰყავდეს მომხმარებელი შეცდომაში; ემსახურებოდეს თაღლითობას; შეიცავდეს ინფორმაციას მოპარული, ან ყალბი პროდუქციის ყიდვა-გაყიდვის შესახებ; ეხებოდეს მესამე პირის მატერიალურ და არამატერიალურ საკუთრებას ან არღვევდეს მესამე პირის უფლებებს; შეიცავდეს რელიგიური, ეთნიკური ან სხვა ნიშნით დისკრიმინაციას, მუქარას ვინმეს მიმართ, უცენზურო სიტყვებს; მოუწოდებდეს კრიმინალური ქმედებისაკენ; მხარდაჭერას უწევდეს ან პროვოცირებდეს ტერორისტულ და ექსტრემისტულ ქმედებებს; შეიცავდეს პორნოგრაფიულ შინაარსს; ახდენდეს სხვა ვებგვერდების რეკლამირებას; არღვევდეს რაიმე სხვა გზით საქართველოს მოქმედ კანონმდებლობას.

2.3 ვებგვერდზე განცხადების განთავსებისთვის აუცილებელია გაიაროთ რეგისტრაცია და დაეთანხმოთ www.Regmarket.ge–ით სარგებლობის წესებს. რეგისტრაციის დროს დაუშვებელია სხვა პირის მონაცემების მითითება.

2.4 მომხმარებელი ვალდებულია ვებგვერდის ინსტრუქციების მიხედვით განათავსოს სავალდებულო ინფორმაცია გასაყიდი პროდუქციის/მომსახურების შესახებ, მიუთითოს რეალური მონაცემები, საკონტაქტო ნომერი, ელექტრონული ფოსტის მისამართი, მდებარეობა და ა.შ.

2.5 მომხმარებელს არ აქვს უფლება გადასცეს თავისი მომხმარებლის სახელი და პაროლი მესამე პირს; პირადი მონაცემების გავრცელების შესახებ ნებისმიერი ეჭვის გაჩენის შემთხვევაში, მომხმარებელი ვალდებულია სასწრაფოდ შეცვალოს ისინი.

2.6 თუ ვებგვერდზე მიმდინარე ტექნიკური სამუშაოების ან ტექნიკური ხარვეზის გამო მომხმარებელმა თანხის გადახდის შემდეგ ვერ მიიღო შესაბამისი მომსახურება (მაგალითად, გადაიხადა თანხა, მაგრამ მმართველი კომპანიის ტექნიკური მიზეზით არ მოხდა განცხადების განთავსება VIP კატეგორიაში, ან ვერ განახლდა განცხადება) ასეთ შემთხვევაში მომხმარებელს უფლება აქვს მმართველი კომპანიისგან მოითხოვოს გადახდილი თანხის უკან დაბრუნება. 

2.7 მომხმარებლებს შორის პრეტენზიის გაჩენის შემთხვევაში სადავო საკითხები განიხილება მმართველი კომპანიისგან დამოუკიდებლად.

3. მმართველი კომპანიის უფლება – მოვალეობები

3.1 მმართველი კომპანია არ არის არცერთი შეთანხმების თანამონაწილე და არ არის პასუხისმგებელი არცერთი მომხმარებლის ქმედებაზე. ყველა მოლაპარაკება დგება უშუალოდ მომხმარებლებს შორის.

3.2 მმართველი კომპანია არ აგებს პასუხს ვებგვერდზე განთავსებული ინფორმაციის სიზუსტეზე.

3.3 განცხადება, რომელიც ვებგვერდზე განთავსებულია წესების დარღვევით, წაიშლება ადმინისტრატორის მიერ ისე, რომ მმართველი კომპანია არ იღებს განცხადების განმათავსებელი პირის წინასწარ შეტყობინების ვალდებულებას; დარღვევის განმეორების შემთხვევაში განცხადების განმათავსებელი პირის მიმართ გამოყენებული იქნება შესაბამისი ზომები, რაც მოიცავს მომხმარებლის ტელეფონის ან/და IP მისამართის დროებით ან მუდმივ დაბლოკვას;

3.4 მმართველ კომპანიას უფლება აქვს მოახდინოს ვებგვერდზე განთავსებული განცხადების რეკლამირება მომხმარებელთან შეთანხმების გარეშე;

3.5 მმართველ კომპანიას უფლება აქვს შეწყვიტოს ნებისმიერი განცხადების გამოქვეყნება ნებისმიერ დროს.

3.6 მმართველი კომპანია არ აგებს პასუხს ვებგვერდზე განთავსებული ინფორმაციის დაკარგვაზე ან დაზიანებაზე;

3.7 მმართველი კომპანია არ იძლევა გარანტიას ვებგვერდის მუდმივ და შეუფერხებელ მუშაობაზე.

3.8 მმართველ კომპანიას შეუძლია შეცვალოს ვებგვერდის წესები მომხმარებლების წინასწარი შეტყობინების გარეშე. ცვლილებები აისახება „ვებგვერდის (საიტის) მოხმარების წესების“ განყოფილებაში.