სს "ნიუ ვიჟენ დაზღვევა" აცხადებს ანაზღაურებადი სტაჟირების პროგრამას AML და სპეციალური რისკების მართვის სამსახურში, სტაჟიორის პოზიციაზე.

სტაჟირების ხანგრძლივობა: 1-3 თვემდე
სტაჟირების გრაფიკი: ორშაბათი - პარასკევი, 10:00 საათიდან 17:00 საათამდე, შესვენება -13:00 საათიდან 14:00 საათამდე.
სტაჟირების ტიპი: ანაზღაურებადი
ანაზღაურების ოდენობა: 400 ლარი (NET)
ადგილმდებარეობა: ქ. თბილისი, ევ. მიქელაძის 1ბ

მნიშვნელოვანი ინფორმაცია: სტაჟირების ფარგლებში თქვენ მიიღებთ მნიშვნელოვან გამოცდილებას და განავითარებთ საჭირო უნარებს, გაეცნობით თანამედროვე ორგანიზაციის სტრუქტურასა და მუშაობის პრინციპებს.

წარმატებული სტაჟირების შემთხვევაში, თქვენ მოგეცემათ შესაძლებლობა გახდეთ სს "ნიუ ვიჟენ დაზღვევის" თანამშრომელი - AML ოფიცერი/სპეციალური რისკების მართვის სპეციალისტი, როგორც სტაჟირების დასრულების შემდეგ, ასევე - სტაჟირების მსვლელობის პერიოდში.

სტაჟირების პერიოდში შეისწავლით:

** შემოსული მოთხოვნების დამუშავებას, საჭირო ინფორმაციის მოძიებას, დოკუმენტაციის/ინფორმაციის ანალიზს სადაზღვევო კომპანიაში დამტკიცებული რეგლამენტის მიხედვით.
** სტანდარტული ხელშეკრულებების ფორმების შევსებას, გარანტიების/პოლისების ფორმების მომზადებას.
** სტანდარტული დოკუმენტაციის მომზადებას (წერილები, შეტყობინებები და ა.შ.).
** კლიენტებთან/სადაზღვევო აგენტებთან კომუნიკაციას.
** დამდგარი შემთხვევის რეგისტრაციას პროგრამაში.
** სადაზღვევო კომპანიის ფინანსური და საოპერაციო რისკების მართვასთან დაკავშირებული ყოველდღიურ აქტივობებს, შესაბამისი ანგარიშგებებისა და დასკვნების მომზადებას, მნიშვნელოვანი მაჩვენებლების მონიტორინგს, ანალიზს და შესაბამისი რეკომენდაციების მომზადებას.
** AML შესაბამისობის ფარგლებში სადაზღვევო აგენტების/კლიენტების მიერ გამოგზავნილი დოკუმენტაციის შესწავლა/გადამოწმებას.

საკვალიფიკაციო მოთხოვნები:

** სასურველია უმაღლესი განათლება.
ასევე, განიხილება მე-3 ან მე-4 კურსის სტუდენტი (სასურველია იურიდიული მიმართულებით);
** ინგლისური ენის საკომუნიკაციო დონეზე ფლობა (B1 დონე);
** ძირითადი საოფისე პროგრამების ცოდნა;

პიროვნული თვისებები და უნარები:

** გამართული წერითი და ვერბალური კომუნიკაციის უნარი;
** სირთულეების დაძლევის უნარი;
** სამუშაოს დაგეგმვისა და ორგანიზების უნარი;
** შედეგებზე ორიენტირებული;
** პუნქტუალური, ორგანიზებული
** კრეატიული, ინიციატივიანი.

სტაჟიორის რეკრუტირების პროცესი წარიმართება ორ ეტაპად:

** შერჩეულ კანდიდატებთან გასაუბრება;
** საქმიანობასთან დაკავშირებული დავალების შესრულება.

განაცხადების მიღების ბოლო ვადა: 02.05.2024
სტაჟირების პროგრამის დაწყების პერიოდი: 2024 წლის მაისი

მადლობას გიხდით ვაკანსიით დაინტერესებისათვის და შეგახსენებთ, რომ შეზღუდული დროიდან და ვაკანსიის მნიშვნელობიდან გამომდინარე, შესაძლებელია, "ნიუ ვიჟენ დაზღვევამ" შერჩევის პროცესი დაიწყოს ვაკანსიის მიმდინარეობის პარალელურად. შესაბამისად, კომპანია მიესალმება თქვენ მიერ, რაც შეიძლება მოკლე ვადაში გადმოგზავნილ რეზიუმეს.

დაინტერესების შემთხვევაში, გთხოვთ, გამოაგზავნოთ თქვენი რეზიუმე შემდეგ მისამართზე [email protected] და "SUBJECT" ველში აუცილებლად მიუთითეთ ვაკანსიის დასახელება: "სტაჟირება AML და სპეციალური რისკების მართვის სამსახურში"

გისურვებთ წარმატებას!

"სადაზღვევო კომპანიის მიერ გამოცხადებულ ვაკანსიაზე გამოხმაურების შემთხვევაში, მათ შორის და არამხოლოდ, თქვენი რეზიუმეს (CV-ს) გამოგზავნით, თქვენ:

ეთანხმებით, რომ სს. "ნიუ ვიჟენ დაზღვევა" უფლებამოსილია, "პერსონალურ მონაცემთა დაცვის შესახებ" საქართველოს კანონით დადგენილი წესით, ვაკანსიის მოთხოვნებთან შესაბამისობის დადგენის და დასაქმების მიზნით, მიზნობრივად, შეზღუდული ვადით დაამუშაოს თქვენგან მიღებული ინფორმაცია, მათ შორის, პერსონალური მონაცემები;

ამასთან, ადასტურებთ, რომ გაქვთ ინფორმაცია თქვენი უფლების შესახებ გამოითხოვოთ/მიიღოთ ინფორმაცია სს "ნიუ ვიჟენ დაზღვევას" მიერ თქვენ შესახებ დამუშავებულ პერსონალურ მონაცემთა თაობაზე. ასევე, კანონით დადგენილი წესით, მოითხოვოთ მათი გასწორება, განახლება, დამატება, დაბლოკვა, წაშლა ან/და განადგურება;

აგრეთვე, ანიჭებთ სს. "ნიუ ვიჟენ დაზღვევას" უფლებას, თქვენი დასაქმების შესახებ უარყოფითი გადაწყვეტილების მიღების შემთხვევაში, თქვენგან მიღებული ინფორმაცია, მათ შორის, პერსონალური მონაცემები*, შეინახოს და დაამუშაოს მათი მიღებიდან 1 (ერთი) წლის განმავლობაში, იმავე ან სხვა პოზიციაზე დასაქმების შემდგომი განხილვის მიზნით** .

* გარდა ნასამართლეობისა და ჯანმრთელობის მდგომარეობასთან დაკავშირებული ინფორმაციისა, (არსებობის შემთხვევაში) რაც განადგურდება თქვენი დასაქმების შესახებ დადებითი ან უარყოფითი გადაწყვეტილების მიღებისთანავე;
** 1 (ერთი) წლის განმავლობაში, სადაზღვევო კომპანიაში თქვენი დაუსაქმებლობის შემთხვევაში, ამ ვადის გასვლისთანავე, სრულად განადგურდება თქვენ შესახებ მატერიალური ან/და ელექტრონული ფორმით არსებული ყველა ინფორმაცია, მათ შორის, პერსონალური მონაცემები."